| Hausa
NIJERIYA
2 minti karatu
WAEC ta riƙe sakamakon jarrabawar ɗalibai 167,486
Ranar Laraba ne shugaban ofishin ƙasa na WAEC a Nijeriya, Dr Amos Dangut ya bayyana hakan lokacin jawabinsa yayin sakin sakamakon jarrabawa a Lagos.
WAEC ta riƙe sakamakon jarrabawar ɗalibai 167,486
Riƙewar na zuwa ne bisa zargin maguɗin jarrabawa. Sai dai adadin ya nuna raguwa daga kashi 9.7 cikin ɗari da aka gani a 2025.
 

Hukumar Shirya Jarrabawa ta Afirka ta Yamma, WAEC ta riƙe sakamakon masu jarrabawa 167,486, wanda ke wakiltar kashi 8.59 cikin ɗari na waɗanda suka zauna jarrabawar kammala babbar sakandare ta Yammacin Afirka ta 2026, wadda aka yi da kwamfuta.

Riƙewar na zuwa ne bisa zargin maguɗin jarrabawa.

Sai dai adadin ya nuna raguwa daga kashi 9.7 cikin ɗari da aka gani a 2025.

Ranar Laraba ne shugaban ofishin ƙasa na WAEC a Nijeriya, Dr Amos Dangut ya bayyana hakan lokacin jawabinsa yayin sakin sakamakon jarrabawa a Lagos.

Dr Dangut ya ce hukumar ta riƙe sakamakon waɗanda abin ya shafa ne saboda mabambantan dalilai, ciki har da ƙaruwar amfani da wayar hannu a ɗakunan jarrabawa duk da haramcin da ke akwai sannan da shirya maguɗi a tare, a wasu makarantu.

Masu AlakaTRT Afrika - Gwamnati ta ba jami’o’i da kwalejojin Nijeriya umarnin korar ɗalibai da ke da alaka da satar mutane

Ya ƙara da cewa an kama wasu masu sa ido da masu kula da jarrabawa da aka samu suna taimaka wa ɗalibai wajen yin maguɗin jarrabawa, kuma za su fuskanci hukunci ta hannun ma'aikatun ilimi na jihohin da abin ya shafa.

Jimillar ɗalibai 1,959,668 daga makarantu 24,207 ne suka yi rajistar jarabawar a Nijeriya, Jamhuriyar Benin, Côte d’Ivoire da Equatorial Guinea, yayin da ɗalibai 1,950,726 suka zauna domin rubuta jarabawar.

Daga cikinsu, ɗalibai 1,200,514 (kashi 61.54 cikin 100) sun samu maki na Credit ko sama da haka a aƙalla darussa biyar, ciki har da Ingilishi da Lissafi.

Haka kuma, ɗalibai 1,687,378 (kashi 86.50 cikin 100) sun samu Credit ko sama da haka a aƙalla darussa biyar, ko da kuwa sun haɗa da Ingilishi da Lissafi ko kuma ba su haɗa da su ba.

Rumbun Labarai
Jami’an Kwastam na Nijeriya sun kai ziyarar aiki Nijar don ƙarin ilimi kan dabarun tsaro
Jonathan ya yi gargaɗi kan rikicin ƙabilanci da rashin haƙuri a siyasa gabanin zaɓen 2027 a Nijeriya
Nijeriya ta kama mutum takwas bisa zargin safarar hodar iblis zuwa Turai ta Hamadar Sahara
Nijeriya na dab da samar da ‘yansandan jiha yayin da majalisun jihohi 36 suka amince da shirin
Hukumar hana safarar mutane ta Nijeriya ta bankaɗo yunƙurin safarar mutane 1,508
Tinubu ya yi wa mutum 78 afuwa bayan kama su da laifin kai hari ga ayarin motocinsa a Abuja
Majalisar yaƙin neman zaɓen APC ta ƙaddamar da shirin samar da tsaro na Tinubu na shekaru biyar
Sojojin Nijeriya sun kashe 'yanta'adda takwas, sun kuɓutar da mutum 125 da aka yi garkuwa da su
‘Yanbindiga sun kashe wani babban mai bai wa gwamna shawara a Zamfara
Faɗa tsakanin 'yanbindiga da 'yan sa-kai ya yi ajalin mutum fiye da 50 Jihar Zamfara ta Nijeriya
Jihar Katsina ta kaddamar da jami'an kula da gandun daji fiye da 1,000 domin magance matsalar tsaro
INEC ta saka ranar 28 ga Nuwamba domin gudanar da zaben gwaji gabanin zaben Nijeriya na 2027
Atiku ya buƙaci Tinubu ya yi bayani kan matakan da yake ɗauka na kawo ƙarshen kashe-kashe a Nijeriya
Jami'an DSS a Nijeriya sun kama makamai da ake zargi an shiga da su Jihar Sokoto daga Nijar
Tinubu ya bai wa ’yanwasan Nijeriya mata 'yan 17 naira miliyan ɗari-ɗari kan cin Kofin Duniya
Kyari ya musanta asarar naira tiriliyan 210 na NNPC a ƙarƙashin jagorancinsa
Rikicin Nijeriya ya tilasta wa dubban mutane tserewa zuwa Nijar: Majalisar Ɗinkin Duniya
An kashe mutum 418, an sace 227 a cikin wata biyu a Nijeriya, in ji rundunar 'yansandan ƙasar
Nijeriya za ta fara yi wa ’yan ƙasar masu digirin ƙasashen waje jarrabawa don kawar da digirin bogi
Kamfanonin rarraba wutar lantarki sun ba ’yan Nijeriya haƙuri kan yawaitar katsewar wuta