1043 GMT — Isra'ila ta kashe wani ɗan jaridar Falasɗinu da iyalansa
An kashe wani ɗan jaridar Falasɗinu a wani hari ta sama da Isra’ila ta kai a Zirin Gaza, kamar yadda ofishin watsa labarai na gwamnati ya sanar a Gaza.
An kashe ɗan jarida Bahaa Okasha, wanda mai ɗaukar hoto na Al-Aqsa media network, tare da matarsa da ɗansa a wani harin ba da Isra’ila ta kai kan gidansa da ke sansanin gudun hijira na Jabalia.
Aƙalla ƴan jarida 143 ne Isra’ila ta kashe a yaƙin da take yi a Gaza inda ta kashe Falasɗinawa sama da 35,000 tun daga 7 ga watan Oktoba.
0947 GMT — Hezbollah ta ce ta kai hari kan sojojin Isra'ila da ke kan iyaka
Kungiyar Hezbollah a ranar Asabar ta ce ta kai hari kan wani gini wanda sojojin Isra'ila suka taru a kusa da iyakar Lebanon da ke kudancin ƙasar.
A wata sanarwa da ƙungiyar ta fitar, ta ce mayaƙanta sun kai hari kai tsaye kan "wani gini wanda sojoji suke a Metula da makamai masu kyai.
Harin ya kasance "a matsayin martani ga hare-haren da masu tsatsauran ra'ayin Yahudawa suka kai kan ƙauyukan kudanci da gidajen fararen hula, wanda na baya-bayan nan shi ne wanda aka kai a garin Tayr Harfa," in ji Hezbollah, yayin da ƙungiyar ke magana kan harin na ranar Juma'a wanda ya yi sanadin mutuwar akalla mutane biyu.
