Mutane sama da 100 sun mutu, da yawa sun ɓata a mummunar ambaliyar da ta addabi Sumatra, Indonesia

Ba a iya zuwa yankuna da dama yayin da hukumomi suke fargabar adadin waɗanda suka mutu zai iya ƙaruwa.

By
Yara suna zaune a cikin kwantena na roba yayin da mazauna ke kwashewa ta cikin ruwan ambaliya bayan ruwan sama mai yawa ya sauka a Deli Serdang, Arewacin Sumatra, a ranar 28 ga Nuwamba 2025.

Ambaliyar ruwa mai tsanani da zaftarewar ƙasa a tsibirin Sumatra na Indonesia sun kashe aƙalla mutane 116 kuma mutane 42 suna ɓace, in ji Hukumar Kula da Bala'o'i ta Ƙasa (BNPB) a ranar Juma'a.

Shugaban hukumar ta BNPB, Suharyanto, ya ce Arewacin Sumatra shi ne lardin da lamarin ya fi yin ƙamari. Yayin da aka shiga rana ta huɗu a wajen kai martanin gaggawa ta huɗu, aikin ceto na ci gaba da samun cikas saboda wahalar shiga wajen, da lalacewar hanyoyin shiga wajen, da mummunan yanayi.

“A yau, mun samu adadin mutane 116 da suka mutu, har yanzu ba a san inda mutane 42 suke ba,” in ji Suharyanto a taron manema labarai da aka watsa kai-tsaye a tashar YouTube ta BNPB, kamar yadda Jakarta Globe ta rawaito, wadda ta kuma ta bayyana cewa dubban mutane sun rasa gidajensu saboda mummunan yanayi.

Har yanzu ba a iya zuwa yawancin wuraren da abin ya shafa, kuma hukumomi na fargabar cewa adadin mutanen da suka mutu zai iya ƙaruwa.

“Akwai wurare da ba mu iya zuwa ba, inda alamu ke nuna cewa adadin wadanda suka rasa abin ya shafa zai iya karuwa,” kamar yadda ya yi gargadi.

Tawagogin laluben mutanen da lamarin ya shafa na aiki a ƙasa da sama, duk da kasancewa mummunan yanayin da ake ciki yana hana kai manyan injina.

Ana ci gaba da tattaunawa da hukumomin yankin don ba da sabbin bayanai game da asarar rayuka da kuma samar da mahimman kayan aiki da ake buƙata.

Hukumomi sun yi kira ga gwamnatocin yankuna da su gaggauta kafawa cibiyoyin lafiya da dakunan girki na jama'a a wuraren da mutane suka fi yawa.