Shugaban Turkiyya zai ziyarci Saudiyya da Masar a cikin wannan makon
Erdogan ya shirya domin kai ziyara Saudiyya ranar Talata tare da Masar ranar Laraba, in ji daraktan watsa labaran Turkiyya.
Yayin ziyarar ta Masar, ana sa ran Erdogan da Sisi za su tattauna batutuwa dangantaka tsakanin ƙasashen biyu / TRT World
Shugaban Turkiyya Recep Tayyip Erdogan zai kai ziyara Saudiyya ranar Talata da kuma Masar ranar Laraba, kamar yadda shugaban ofishin watsa labaran fadar shugaban ƙasa ya sanar ranar Litinin.
Erdogan zai gana da yarima mai jiran gado na Saudiyya Mohammed bin Salman a Riyadh domin tattauna alaƙa mai girma tsakanin Turkiyya da Saudiyya, tare da harkokin yanki da na duniya, kamar yadda Burhanettin Duran ya bayyana.
Daga nan Shugaban Turkiyya zai tafi Alƙahira ranar Laraba bisa gayyatar Shugaban Masar Abdel Fattah el Sisi domin jagorantar zama na biyu na majalisar haɗin na musamman tsakanin Turkiyya da Masar, in ji shi.