Gobarar Hong Kong: Adadin waɗanda suka mutu ya kai 128 yayin da aka shiga kwana uku a ƙoƙarin ceto

Adadin waɗanda suka mutu daga gobara mafi muni cikin gomman shekaru a Hong Kong ya ƙaru zuwa 128 ranar Jumma’a, in ji kafafen watsa labarai na yankin ranar Jumma’a, in da hukumomi ke cewa sun shawo kan gobarar wanda ya mamaye rukunin benaye a gundumar Tai Po.

Wani ɗan kwana-kwana na cikin waɗanda suka mutu, yayin da mutum 76 suka ji rauni, ciki har da ‘yan kwana-kwana 11, kamar yadda kafar South China Morning Post ta ruwaito.

Ayyukan ceto na ci gaba, duk da cewa an shawo kan wutan da ke cikin rukunin gidajen na Wang Fuk Court. A halin yanzu, akwai mutum 56 suna a asibiti har yanzu.

Daga farko, jaridar ta ba da rahoton cewa ba a san inda mutum 280 suke ba bayan aukuwar lamarin.

Shugaban yankin Hong Kong John Lee Ka-chiu ya ce an shawo kan gobarar da ke ci a cikin benaye bakwai ɗin.

Gobarar ta ɓarke ne da misalin ƙarfe 12 na rana ranar Laraba a cikin rukunin benaye, waɗanda suka ƙunshi fiye da gida 1,900 kuma ya bazu cikin sauri  saboda kwangwalolin da aka saka a wajen benayen a matsayin matakala domin ayyukan gyra.

Rukunin gidajen ya ƙunshi benaye takwas da mazauna ciki suka zarce 4,000.

‘Yan sanda sun kama daraktoci da wani ƙwararre mai ba da shawara daga kamfanin Prestige Construction & Engineering Company kan zaton kisa bisa kuskure.

Hukumomi sun ce matakalan kwangwala da aka haɗa domin ayyukan gyara da kuma robobin da ke rufe windunan sun taka rawa sosai wajen bazuwar wutan.

“Muna da hujjojin da suka tabbatar da cewa mutane masu aiki a kamfanin sun yi sakaci, lamarin da ya sa gobarar ta bazu cikin sauri ya kuma janyo mace-mace da yawa," in ji babban jami’ar ‘yan sanda Eileen Chung Lai-yee.

Sakataren tsaron Hong Kong Chris Tang ya ce bincike na farko ya nuna cewa bazuwar gobarar ta saɓa wa al’ada, yana mai nuna rawarar da robar ta taka.

“Mun gane cewa ababen da suka rufe bangon ginin, ragar da ke kusa da matakalan da tamfol  mai tare ruwa sun sa gobarar ta bazu cikin sauri fiye yadda ya kamata ta yi da ababen da suka dace da  ƙa’idar kariya,” in ji shi.

A karon farko cikin shekaru 17, Hong Kong ya ba ya shelar gobara mai mataki na biyar, mataki mafi yawa a sikelin birnin mai mataki biyar.

Hukumomin sun ba da rahoton cewa rukunin benayen mai maƙwabtaka ma an kuɓutar da mutanen da wurin kuma kimanin mazauna wurin 900 da goibarar da shafa sun fakewa a wuarre na wucen gadi.

Fiye da motocin ‘yan kwanakwana 140 da kuma jami’an ba da gajin gaggawa da ‘yan kwanakwana 800 aka tura wurin.

Ma’aikatar Sufuri ta yi shelar cewa an rufe hanyoyi a wurin sakamakon gobara.

Shugaban China Xi Jinping ya miƙa gaisuwar ta’aziyyarsa ga ggwamnatin Hong Kong game da rashin rayukan da aka yi kuma ya bai wa ofishin da ke kula da harkokin Hong Kong da Macau a Beijing ya taimaka wa hukumomi a yankunan.

Shugaban Lee ya nuna alhininsa kan yawan adadain waɗanda suka mutu da kuma waɗanda suka ji raunuka, yana mai miƙa ta’aziyyarsa ga iyalan waɗanda lamarin ya rutsa da su tare da fatan warkew ada wuri ga wadanda suka ji raunuka.

Ya kuma kira wani taron gaggawa na majalisar ministocinsa domin jagirantar matakin tinkararn bala’in.