Hotuna: Dubban mutane sun yi maci a Turai da Amurka don nuna wa Falasdinawa goyon baya
Jerin gwanon ya faru ne a Ranar Nuna Goyon Falasɗinawa ta Duniya, wacce MDD take yi duk shekara, don nuna irin yadda Falasɗinwa ke neman zaman lafiya.
Masu zanga-zanga sun yi kira da "a kawo karshen mamaya da kuma a dakatar da sayar da makamai ga Isra'ila" a yayin tattakin kasa da aka shirya a London.
Dubban mutane sun taru a biranen Turai da kuma a jihar New York a Amurka don nuna goyon baya ga Falasɗinawa, kuma suka yi suka ga gwamnatocinsu saboda goyon bayansu ga Isra'ila.
Mutane sun yi zanga-zanga a Rome, Paris, Stockholm, Landan, New York da Athens, suna ɗaga tutocin Falasɗinu kuma suna riƙe da allunan nuna goyon baya ga Falasɗinawa.
Zanga-zangar ta faru a ranar 29 ga Nuwamba, Ranar Nuna Goyon Falasɗinawa ta Duniya.
Majalisar Dinkin Duniya tana bikin ranar duk shekara don jaddada burin Falasdinawa na neman zaman lafiya, adalci, da 'yancin kai.
Ga wasu daga cikin hotunan: