Yadda wata sabuwar doka a India za ta cutar da Musulmai da sunan yaki da ‘Auren Jihadi’

Gwamnati a jihar Assam da ke arewa maso gabashin India ta sanar da shirin kafa dokar da masu sharhi suka ce ta fi mayar da hankali kan tsirarun Musulmin yankin.

An yi wa dokar da aka gabatar da ita lakabi da "jihadin soyayya", wadda aka yi alkawarin daurin rai da rai ga duk wanda aka tilasta masa yin addinin da ya karba ta hanyar aure, kuma ta ba da damar kama iyayen mutumin da ake zargin.

Masu sharhi sun ce an tsara dokar ne don cusgunawa mazan Musulmi a bayyana su a matsayin masu cin zarafin jama'a da kuma karya jituwar al'umma mai rauni a jihar da rikicin kabilanci ya riga ya yi wa illa.

Sanarwar da aka fitar a ranar 22 ga Oktoba, ta hada kudirin "jihadin soyayya" da wasu kudirorin, inda ta mayar da hankali kan auren mata da yawa da kuma haƙƙin mallakar filaye ga kabilu kanana. Amma na farko ne ya tayar da hayaniya.

Babban Ministan Assam Himanta Biswa Sarma, wanda dan jam'iyyar BJP ta hannun damar Firaminista Narendra Modi ne, ya ayyana dokar da aka gabatar da ita a matsayin "ta tarihi," yayin da yake kiran ta da mai kawar da "daidaita zamantakewa".

Duk da haka, a ƙarƙashin tsarin, akwai wani tuggu na siyasa da ke nuna wariya, wanda ke bayyana kashi 34 cikin 100 na al'ummar Assam Musulmi a matsayin barazana ga "'yan asalin jihar".

A yayin da ake jiran zuwa lokacin zabukan larduna a shekarar 2026, masu sharhi sun ce matakin zai haifar da ƙarin rarrabuwar kawuna, yana karkatar da hankali daga rikice-rikice masu tsanani kamar ambaliyar ruwar da ake samu shekara-shekara da ke raba miliyoyin mutane da muhallansu.

Aman Wadud, mai magana da yawun jam'iyyar Congress mai adawa a Assam, yana suka sosai kan matakin. "Duk abin ba shi da tabbas. Labarin ƙarya ne na Hindutva," in ji shi yayin tattaunawa da TRT World.

Ya yi nuni da cewa sauran jihohin India da suka zartar da irin waɗannan dokoki suma sun kasa fayyace kalmar "jihadin soyayya".

Dangane da dokoki kamar Haramcin Canza Addini Ba bisa Ka'ida ba na jihar Uttar Pradesh ta shekarar 2020, wanda ke yanke hukuncin daurin shekaru 10 ga irin waɗannan laifuka, Wadud ya nuna tsananin matakin na Assam: Daurin shekaru da kama iyaye.

Bayanan da aka samu daga jihohin da BJP ke mulkin sun nuna cewa shaidar mazan Musulmi suna auren mata 'yan Hindu da yawa ba ta da tabbas.

A gundumomin Assam masu bambancin addini, inda 'yan Hindu, Musulmai, da ƙungiyoyin ƙabilu suka zauna tare tsawon zamaninnika, kudirin dokar na iya haifar da zato da rashin jituwa.

"A bayyane yake karara cewa al'umma ɗaya ce da ake son cusgunawa," in ji Wadud.

Tsohuwar giya a sabuwar kwalba

Wannan "jihadin soyayya" da ake zargin cewa mazan Musulmi suna jan hankalin mata 'yan Hindu don su musulunta don ƙara yawan su ba sabon abu ba ne.

Nadira Khatun, farfesa a fannin sadarwa a Jami'ar XIM da ke Odisha, ta shaida wa TRT World cewa dokar da aka gabatar "ci gaba ne da dokar da ta ƙi amincewa da addini" da aka kafa a larduna kamar Madhya Pradesh da Uttar Pradesh.

"Duk tattaunawar da aka yi game da jihadin soyayya ta yi daidai da farfagandar 'yan ra’ayin rkau: Ana zaton Musulmai ko 'su' sun fi 'yan Hindu 'mu'," in ji ta.

Ta hanyar lefantar da dangantaka mai kyau a cikin aminci, kudirin ya sauya alaƙar sirri zuwa "al'amuran sa ido da hukunci na gwamnati", yana yaɗa ƙyama ga Musulmai a matsayin "wata al'ada" a wuraren da BJP ke da ƙarfi, in ji ta.

Khatun ta yi nuni kan takunkumin da aka saka kan cin naman shanu, hana sanya hijabi, da dokokin kadarori waɗanda suka "bayyana Musulmai a matsayin wasu al'adu baki", suna lalata mutuncinsu da haƙƙoƙinsu.

A tsarin Assam, lokacin da aka gabatar da dokar ya ƙara yawan hatsarin.

Muhawarar Babban Ministan Assam da ake kira Sarma ya haɗa da "asalin 'yan yankin Assam" da Hindutva, haɗin kai da Khatun ta bayyana a matsayin "nuna wariya ga jama'a".

Ta ce irin waɗannan dokoki suna haifar da "tsoron tashin hankalin kwakwalwa... don ƙarfafa samun haɗin kai".

"Ana amfani da jikin mace a matsayin wani ɓangare na haifar da wannan barazanar," in ji ta.

Ana haɗa mata a matsayin "wakilai masu aiki wajen yaɗa kishin ƙasa", inda “matutar” al'umma ya kamata ta samu kariya daga barazanar "wasu", in ji ta.

Ta lura da cewa wannan kishin kasa na jinsi, tana nuna abubuwan da suka faru a tarihi.

Zanga-zangar kin jinin Sikh a shekarun 1980 da suka haifar da tarzoma, baya ga zanga-zangar kin jinin bakin haure ta Assam a tsakanin shekarar 1979-1985, wadda ta sanya asalin addini cikin rudani, ta kai ga kisan kiyashin Nellie na shekarar 1983 wanda ya halaka rayukan Musulmi sama da 2,000.

Amir Ali, farfesa a fannin kimiyyar siyasa a Jami'ar Jawaharlal Nehru da ke New Delhi, ya kira labarin da ake kira jihadin soyayya "abin kunya".

Labarin tsoho ne da jam'iyyar BJP ta yi amfani da shi a fadin jihohi, kamar yadda ya shaida wa TRT World. Yana nuna hotunan "sauran samari Musulmai suna jawo hankalin 'yan matan Hindu marasa tunani da gangan".

Duk da haka, babu wani adadi mai inganci da ya tabbatar da hakan a matsayin wani abu, in ji shi.

Gaskiyar cewa ana aiwatar da irin wadannan dokoki ya bayyana "rashin shugabanci na siyasa a India gaba daya da kuma kai hari ga Musulmai".

 Kalaman "tsananin ƙiyayya" na Babban Minista Sarma na haifar da ƙaruwar ƙiyayya ga Musulmai da kuma "rage musu matsayi" ana kallon su a matsayin 'yan ƙasa masu daraja ta biyu.

Sakamakon haka, an hana Musulmai gidaje, ilimi, aiki, da kuma manyan haƙƙoƙi da fa'idodin zama ɗan ƙasa, in ji shi.

Don haka, amincin da ke tsakanin al'ummomi, musamman Musulmai da Hindu, ya kai matsayi mafi ƙanƙanta a India, in ji shi.

Ali ya lissafa nau'ikan "jihadi" da ake zargin Musulmai 'yan India da su - daga "jihadi mai ambaliya" zuwa "jihadi mai tofi" - a matsayin misalan hanyoyin nuna wriya da ke kara ta’azzara nuna kiyayya a cikin al’umma.

A lokacin da ake gab da zaɓe, jam'iyyar BJP ta yi ƙoƙarin raba kan Musulmai masu zaɓe, ta hanyar amfani da kuri'un da aka samu a kujerun tsiraru.