Apple ya gabatar da wayarsa da ake iya rufewa, mai suna iPhone Duo, a taronsa na shekara-shekara a hedkwatarsa da ke California a ƙasar Amurka.

"iPhone Duo ba ta kama da ko wace iPhone da kuka taɓa amfani da ita," in ji muryar da ta gabatar da wayar a ranar Laraba.

An ƙera wayar ce ta yadda za a iya buɗewa kuma tana da faɗin inci 7.6.

Fuskar wayar ta fi ta iPhone 18 Pro Max girma da kashi 50 cikin 100 kuma ta fi fuskar iPhone 18 pro girma da kashi 80 cikin 100, kuma an gabatar da dukkansu biyu a wannan taron.

Idan da aka buɗe ta gaba ɗaya, wayar iPhone za ta kasance wayar Iphone da ta fi sirantaka a tarihi, inda take amfani da ƙarfen titanium mai ƙarfi na jiragen domin nuna ingancinta.

Kamfanin Apple ya kuma ƙaddamar da wani tsarin kyamara mai inganci sosai da ya kai megapixel 48.

Kamfanin ya yi shelar cewa wayar ta iPhone Duo za ta iya ɗaukar bidiyo wanda ingancinsa ya kai 4K da 120 fps da kuma bidiyo na 4K Dolby Vision HDR mai tsallake lokaci. Domin ɗorewa, Apple ya tabbatar da cewa wayar na matakin IP68 wajen jure ƙura da ruwa, kuma tana amfani da garkuwa ta yumɓu domin kare gilashinta daga kujewa.

Farashinta na farawa ne daga $1,999 da zaɓin gurbin adana bayanai da ya kai terabait biyu; za a iya fara odar iPhone Duo daga ranar 16 ga watan Oktoba, inda kuma za a fara sayar da ita a shaguna daga ranar 23 ga watan Oktoba.

Ƙirƙirarriyar basirar Siri

Basirar Apple ta Gaba da kuma sabuwar ƙirƙirarriyar basira ta Siri ta iPhone Duo na bai wa masu amfani da wayar damar amfani da ƙirƙirarriyar basira ta Siri, wani sabon samfurin Siri da ke fitowa tare da iOS 27.

Bisa aikin Apple Intelligence, Siri ya fi kasancewa na mutum mai iko mai magana kuma ya fi amfani ta allon ciki mai girma.

Iko mai ƙarfi na ƙirƙirarriyar basira da kuma yanayin mutum sun sa iPhone Duo ta kasance wata cibiya ta mutum wadda ta fi mayar da hankali kan sirri da tsaro.

Ƙiƙirrarriyar basirar Siri za ta iya amfani da yanayin mutum ta taimaka wajen gano abin da mutum ke buƙata a wani lokaci ta saƙonni da imel da hotuna da sauransu da kuma amfani sanin abin da ke faruwa a fuskar waya domin ɗaukar mataki da ke da alaƙa da abin da ke kan wayar mai amfani da waya da kuma ba da amsoshi kan kusan ko wane abu.

Masu amfani za su iya rubutu da Siri ta hanyar bayyana abin da suke buƙata kawai.

Sabuwar manhaja ta Siri tana taimaka wa mutane wajen sake komawa kan tattaunawa na baya ko kuma fara sabbin tattaunawa, inda take daidaita tarihin tattaunawa ta hanyoyi a cikin iCloud.