Akwai yara cikin ‘yan Sudan 150 da RSF ta yi garkuwa da su a South Kordofan: Ma'aikatan jinya

Kwamandan RSF Mohamed Hamdan Daglo ya bayyana ranar Litinin cewa dakarunsa da wasu ƙungiyoyi masu alaƙa da su sun amince da tsagaita wuta na jinƙai nan take lamarin da zai iya dakatar da yaki na wata uku.

By
Wani sojan ƙasar Chadi yana tafiya a gefen ‘yan gudun hijira ‘yan Sudan daga Al Fasher yayin da hukumar UNHCR ke jigirlasu a Chadi

Fiye da matasa da ƙananan yara 150 ‘yan Sudan ne rundunar RSF ta yi garkuwa da su a jihar South Kordofan, kamar yadda wata ƙungiyar Jinya ta Sudan ta bayyana ranar Talata.

Ƙungiyar likitocin Sudan ta bayyana a wata sanarwa cewa mayaƙan RSF da dakarun SPLM reshen al-Hilou masu alaƙa da su sun ƙaddamar hari da mahaƙar ma’adinan Al-Zallataya a Al-Abbasiya, da ke arewa maso gabashin South Kordofan, “a wani mataki na tsabaragen keta tsagaita wuta na jinƙai” da ƙungiyar ‘yan tawayen ta ayyana.

Kwamandan RSF Mohamed Hamdan Dagalo ya bayyana ranar Litinin cewa dakarunsa da kuma ƙungiyoyi masu alaƙa da shi sun amince da tsagaita wuta na jinƙai nan take wanda ya ƙunshi dakatar da duk wani mataki na hamayya na watanni uku.

“Fiye da matasa da ƙananan yara ‘yan Sudan ne aka yi garkuwa da su da ƙarfin tuwo domin shigar da su yaƙi, a wani mataki na cin zarafin fararen hula da ya kasance laifukan yaƙi da kuma tsananin saɓa wa dokokin ƙasa da ƙasa na jinƙai,” a cewar ƙungiyar ta jinya.

Ta bayyana cewa rundunar RSF ta ƙaddamar da wani aikin tilasta wa mutane shiga cikin mayaƙanta a garin cikin ɗibar ganima a garin da kasuwar garin.

Ma’aikatan jinyar sun aza wa SPLM da RSF alhakin garkuwa da mutanen tare da kira ga ƙasashen duniya da kuma ƙungiyoyin yankin su shiga tsakani nan take domin kawo ƙarshen zaluncin RSF a yankin.

Tun watan Afrilun shekarar 2023 ne dai sojin Sudan da runduranr RSF suka fara yaƙin da shiga tsakani na ƙasa da ƙasa da na yanki ya gaza sasantawa. Rikicin ya kashe dubban mutane tare da raba miliyoyin mutane da gidajensu.