Hukumar tara kudaden shigar ta ce Kenya ta fitar da kyamarorin da ake sanya wa jiki ga jami'an kwastam da na kula da kan iyakoki don taimakawa wajen sauƙaƙe ciniki da tafiye-tafiye na halal.
Wannan matakin zai sa a sanya kyamarorin jiki guda 350 a cibiyoyin kan iyakoki kuma an yi hakan ne don "sauƙaƙa ciniki da tafiye-tafiye na halal".
Kenya ita ce babbar cibiyar tattalin arzikin Gabashin Afirka kuma tana gudanar da Filin Jirgin Sama na Jomo Kenyatta (JKIA) - ɗaya daga cikin cibiyoyin sufuri mafi cunkoso a Afirka.
Hukumar Tattara Kudaden Shiga ta Kenya ta ce kyamarorin suna da ƙarfi wajen hana cin hanci da rashawa kuma hotuna da bidiyo za su tabbatar da warware takaddama cikin sauri.
"Lokacin da kyamarar ke juyawa, nuna ƙwarewa ba zaɓi ba ne; shi ne aikinta na asali. Mu’ama;lar da aka dauka a bidiyo da hoto na martaba kowa,” jn jinhukumar a ranar Talata.
Wannan ya zo ne a daidai lokacin da ake damuwa game da cin hanci da rashawa na ma'aikata da shirye-shiryen haɗin gwiwa na waɗanda ke kaucewa biyan haraji ga kasa?.
"Mun himmatu ga yin adalci. Mun himmatu ga aminci. Kuma muna son a ɗora mana alhakin hakan," in ji mai karɓar haraji.
Rahotannin cikin gida sun nuna cewa na'urorin suna da fasahar bin diddigi ta GPS kuma nuna komai kai tsaye, suna da karfin nadr bayanai, tsaro kuma suna iya watsa shirye-shirye kai tsaye.
