A cewar majiyoyin tsaron Turkiyya, shugaban Hukumar Leken Asiri ta Turkiyya (MIT) Ibrahim Kalin ya gana da Khalil al-Hayya, shugaban tawagar tattaunawa ta ofishin siyasa na Hamas, da kuma tawagar Hamas da ke tare da shi domin tattauna halin da ake ciki a Gaza.

Taron, wanda aka gudanar a Ankara ranar Talata, ya mayar da hankali kan hare-haren da Isra'ila ke ci gaba da kai wa Gaza da kuma mummunan rikicin jinƙai da ke kara ta'azzara, da kuma tashin hankalin da ya barke a yankin Gabar Yamma da aka mamaye da kuma takunkumin da aka sanya wa Masallacin Al-Aqsa na Kudus.

Jami'ai sun jaddada muhimmancin Isra'ila ta cika wajibcinta a karkashin mataki na farko na shirin zaman lafiya na Gaza tare da yin bitar matakan da ake bukata don ci gaba da mataki na biyu.

Tawagar Hamas ta nuna godiya ga kokarin Turkiyya na inganta zaman lafiya a Gaza, suna mika godiya ga Shugaba Recep Tayyip Erdogan saboda ci gaba da hadin gwiwar Ankara kan batun.

Tawagar Hamas ta kuma yi taro da Ministan Harkokin Wajen Turkiyya Hakan Fidan.