Nigerian homes, factories, and everybody dey catch hard right now as fuel prices don skyrocket. Di crisis for Middle East don make petrol, cooking gas, and diesel price jump like person wey see mami water..

As things stand now:

· Cooking gas wey dem dey call LPG don increase from N1,000 to N1,200 per kg
· Diesel wey dem dey call AGO don jump from N1,200 to N1,300 per litre
· Petrol wey dem dey call PMS don rise from N837 to N939 per litre, and pipo dey fear say e fit pass N1,000 if di wahala for Middle East no stop

Na di war for Middle East cause all dis wahala. Crude oil price don blow from $75 to $84 per barrel for world market. Dis one happen afta di Iranian Revolutionary Guard Corps talk say dem go block Straits of Hormuz, becos Israel and America dey attack dem.

Make we no forget say Israel and US begin attack Iran on Saturday morning, even though dem and Iran dey yarn on Monday. Since den, Iran don begin retaliate, dey attack US military bases and oda targets for Gulf region.

One market check for Abuja, Lagos, and some oda places show say many filling stations don increase price from N875 to N975 per litre between Monday and today. Di gas sellers don follow raise price too.

All dis wahala na direct result of di fighting between US, Israel, and Iran. E don make crude oil price jump more dan 12% for one week, from $75 to $84 per barrel. Na so Nigerian pipo go dey suffer for something wey dem no know about.