Nigeria dey top for Africa for cyberattack. Every week, Nigerian companies dey get 4,701 attack. Dis one na according to Check Point Research Global Threat Intelligence report wey dem release yesterday.

Di figure rise by 12 per cent from last year, and e also climb from 4,622 wey dem record for December 2025. Di report show say di attackers no dey tire, and dem don see sometin wey sweet dem for dis region.

Na four African countries dem check, but Nigeria lead dem all for attack volume. Di number wey Nigeria get far pass Africa average wey be 2,864 attack per organisation every week.

Check Point Research tok say worldwide, organisations dey face average of 2,090 cyberattack every week for January. Dis one na three per cent increase from December and 17 per cent from last year. E show say cyber trouble dey grow everywhere.

Di report tok: “Among di four African countries wey dem include for January insight, Nigeria get di highest attack—4,701 per organisation every week. Na 12 per cent increase from last year. Dis one rise from 4,622 for December 2025.