Political parties and presidential and National Assembly candidates for Nigeria on Tuesday sign di first National Peace Accord about issue-based campaigns before di 2027 general elections.

Den promise to avoid violence, hate speech, misinformation, personal attacks and any oda tin wey fit spoil di electoral process.

Dem sign di accord for Abuja for one ceremony wey di National Peace Committee organise wit The Kukah Centre, just 24 hours before di official start of public campaigns and rallies for di elections.

Di event bring togeda di Chairman of INEC, Prof Joash Amupitan; political party leaders; presidential candidates; National Assembly candidates; di Inspector-General of Police, Olatunji Disu, and representatives of diplomatic community, among oda stakeholders.

Dose wey sign di accord include President Bola Tinubu, wey di Secretary to di Government of di Federation, Senator George Akume, represent; di Nigeria Democratic Congress presidential candidate, Peter Obi; di Social Democratic Party candidate, Adewole Adebayo and im counterpart for African Action Congress, Omoyele Sowore.

Oda participants include di National Chairman of APC, Prof Nentawe Yilwatda; di presidential candidates of Peoples Redemption Party, and Labour Party, Donald Duke, Chibuzor Okereke, di Deputy President of di Senate, Barau Jibrin; di PRP National Chairman, Hakeem Baba-Ahmed; federal and state lawmakers, party leaders and oda candidates.

Di event also feature goodwill messages from diplomatic representatives, including di European Union Ambassador to Nigeria, Gautier Mignot, and di Ambassador of Switzerland to Nigeria, Patrick Egloff.

But, some major political actors, including former Vice-President Atiku Abubakar and Oyo State Governor Seyi Makinde, no show for di ceremony. Atiku be di presidential candidate of African Democratic Congress, while Makinde be di presidential candidate of Allied Peoples’ Movement.