African countries including Kenya, Malawi, Lesotho and Zimbabwe don warn dia citizens wey dey South Africa make they careful and stay indoors because of attacks wey dey target foreigners. Ghana don also beg African Union to take action.

South Africa don see plenty protests against illegal immigration, and dis one don come with violence against migrants from oda African countries for South Africa, wey be di biggest economy for di continent.

Migrant rights groups talk say South Africans dey use dem as scapegoat, blaming dem for di country’s economic problems like high unemployment wey pass 30% and e dey affect Black people well well.

Ganda talk on Wednesday say don help one of dia citizens wey dem see for video wey go viral to return back safely. Nigeria also talk say dey don send at least 130 citizens back afta two Nigerians die.

Ghana’s statement no talk di exact incident, but one video wey dey circulate for social media show one Ghanaian man wey crowd dey harass, demanding to see im papers and question if dem genuine. One woman talk say, “We no want you here.”

Mozambique President Daniel Chapo meet South Africa President Cyril Ramaphosa on Tuesday and call for peace. Ghana government also write African Union make dem take up di matter.

Xenophobic attacks for South Africa dey happen from time to time. Di vigilante group Operation Dudula don lead campaigns against undocumented migrants, sometimes blocking dem from entering public health facilities.

Di government don condemn di violence but still dey feel di frustration of dia citizens over illegal immigration.