Di Nigerian Upstream Petroleum Regulatory Commission (NUPRC) don announce 31 companies as winners of 37 oil and gas blocks for di 2025 Licensing Round, afta one competitive bidding process wey attract 200 bids from 143 companies.

Di winners emerge for di commercial bid conference wey happen for Tuesday for Transcorp Event Centre, Abuja. Dat one mark di end of di competitive phase of di licensing exercise.

According to di commission, di 37 awarded blocks wey dem select from di 50 oil and gas blocks wey dem offer across Niger Delta onshore, shallow water and deep offshore areas, plus di frontier basins of Benue Trough, Chad Basin, Anambra Basin and Benin Basin.

NUPRC say while 37 blocks attract bids, 13 blocks no get any offer. Dem describe di outcome as one big achievement, note say na di first time Nigeria frontier basins go attract dat kind high level of investor interest.

Di successful companies include:

· SSonic Petroleum Limited
· CFP Pipeline and Flowlines
· Dutchford E&P Limited
· Attabanson Global Company Limited
· Rosem Energy Limited
· Pivot-GIS Limited
· Network E&P
· Asharami
· LexOil
· BVOF
· Gupsco Energy Limited
· Saratoga
· Volante
· Concept-Reel Petroleum Services Limited
· Clinton Oil Field
· Nuway Oaklane Limited
· Ramec
· Italia
· Blueridge E&P
· Up Energies Limited
· AYM Shafa
· Blackrock Holdings Limited
· Funtay Integrated Business Limited
· Riparian Development and Production Limited
· Nikstallis
· Stardeep Petroleum
· Dakoda & U Limited
· Southborne Oil and Gas Limited
· Lanaka Petroleum
· Highban Resources Limited
· Eyre Energy Limited

Some companies collect more than one block. Attabanson Global Company Limited win PPL 2A33 and PPL 901. Gupsco Energy Limited secure PPL 2A44 and 2A51. Concept-Reel Petroleum Services Limited win PPL 2A47 and 2A55. Clinton Oil Field secure PPL 2A48 and 2A62. While Nikstallis emerge successful for PPL 2A61 and PPL 900.

Di commission, however, clarify say di companies go only receive dia final awards afta dem pay di required signature bonuses and get approval from di Minister of Petroleum Resources, according to di Petroleum Industry Act, 2021.

While dem dey speak for di event, di Commission Chief Executive, Mrs. Oritsemeyiwa Eyesan, congratulate di successful bidders and urge dem to pay dia signature bonuses quick-quick and begin development of dia assets.

She warn say di commission go strictly enforce di "drill or drop" provisions of di Petroleum Industry Act. Wetin dat one mean be say any licence holder wey fail to develop dia assets within di time wey dem give, dem fit lose dia blocks.