How President Tinubu say e go stop open grazing for Nigeria
As e open di two-day NEC meeting for State House Conference Centre for Abuja, di President connect di matter of livestock business to security matter.
President Bola Tinubu of Nigeria talk again say im dey expect make di National Economic Council meeting bring better plan for ranch business, livestock investment, and make agriculture better.
Tinubu promise say im go do im own part to make sure dem do di changes wey dem plan.
As e open di two-day NEC meeting for State House Conference Centre for Abuja, di President connect di matter of livestock business to security matter. Im call banditry and terrorism "wahala wey dey disturb our economy" wey need quick answer.
"Mi believe say wetin una go decide for dis meeting go involve dairy farming, livestock money, ranches, and how we go grow different kind crops.
"I promise una say I go do my part. Seven zones for mechanised farming dey come. I give Nigerians my word say we go deliver am. I still dey find how to make our security better, defeat terrorism.