Ghana government don deport three Israelis after di West African nation vex over di "mistreatment" of dia nationals by Israel.

"Because of di bad treatment and di unjustified deportation of three Ghanaian nationals by Israeli authorities, di government of Ghana don find am necessary to retaliate by deporting three Israelis wey reach Ghana earlier today," Ghana Ministry of Foreign Affairs talk on Wednesday.

Ghana add say e go "continue to safeguard di dignity of its nationals and also that of other nationals."

Earlier, Ghana talk say their nationals were subjected to "inhumane and traumatic" treatment for Israel's Ben Gurion International Airport wey near Tel Aviv on Sunday.

Shocked

Accra talk for statement say dem "appalled" by how Israeli authorities behave, and say since Sunday Ghanaian nationals wey dey enter Israel don dey "deliberately targeted" for harsh scrutiny.

Ghana foreign affairs ministry still say their citizens bin detained without any justification.

Among dem na four members of a parliamentary delegation wey dey attend di Annual International Cybersecurity Conference for Tel Aviv.

Dem release reportedly come only after more than five hours of wetin the ministry describe as "strenuous diplomatic intervention." Di remaining three travellers dem deport on the next flight and dem don return to Ghana.

For di latest statement, Accra say dem don agree to "resolve di matter amicably" with Israel.