Israeli Defence Minister Israel Katz talk on Saturday say Israel don carry out a "pre-emptive strike" on Iran, and e talk say dem get serious national security threats.

Katz come declare nationwide state of emergency, e urge people make dem follow Home Front Command instruction dem.

"The State of Israel has launched a \"preemptive strike\" against Iran. Defence Minister Israel Katz has declared a special and immediate state of emergency throughout the country," na wetin statement from him ministry read.

Witness dem report say strong explosion burst for downtown Tehran, thick smoke dey rise, but Iranian government never still talk anything.

Fars News Agency talk say explosions still dey hear for Isfahan, Qom, Karaj and Kermanshah.

The strike happen as tensions dey escalate over Iran nuclear programme while dem dey do talks with the United States.

Israeli military don blow air raid siren as precaution, dem warn say missile threat fit happen.

Dem also announce "prohibition on educational activities, gatherings, and workplaces".

The military talk say "essential sectors" dem exempt.

Dem dey target whole Iranian leadership

United States dey participate for the attack on Iran, but e no clear straight away how far dem involve, na wetin one US official and one person wey sabi the operation talk, dem talk on condition say dem no go give name because na sensitive military matter.

Another US official wey talk to Reuters talk say strikes happen by air and sea.

Iran and Israel don announce say dem close their airspace.

The first reported strike target area wey near the offices of Iran Supreme Leader, Ayatollah Ali Khamenei.

E no clear quick whether Khamenei, wey dey 86 years, dey there when e happen. One official tell Reuters say dem don move am go one secure place outside Tehran.

Initial Israeli strikes for Iran kill and injure many Revolutionary Guard personnel, including important operational staff, na wetin Iran ISNA news agency report.

Na story wey still dey develop, we go update...