Two weeks after di Federal Government emergency intervention for di liquefied petroleum gas market, marketers say cooking gas prices never return to normal, even as product supply don better and market tension don reduce.

Although supply don improve plenty after di emergency stakeholders meeting wey dem hold for Abuja by di Minister of State for Petroleum Resources (Gas), Ekperikpe Ekpo, on June 22, consumers across di country still dey pay between N1,300 and N1,650 per kilogramme for cooking gas.

Before di scarcity and price surge wey start for May, one kilogramme of cooking gas dey sell for below N1,000. E rise reach as high as N2,500 for some places for June before di minister intervention.

For wetin im tok, di National President of di Nigerian Association of Liquefied Petroleum Gas Marketers, Edu Inyang, say prices never return to previous levels despite say dem don reduce plenty.

Last week, Inyang say retail prices don begin to ease after weeks of sharp increases, with cooking gas dey sell between N1,100 and N1,350 per kilogramme for Lagos, Ibadan and Abeokuta; N1,150 and N1,400/kg for Benin City, Port Harcourt and Warri; N1,200 and N1,450/kg for Onitsha and Enugu; N1,250 and N1,500/kg for Abuja.

While consumers for Kano and Kaduna dey pay between N1,300 and N1,550/kg. Maiduguri and parts of North-East get di highest prices at between N1,350 and N1,650/kg.

As e give fresh update, Inyang say di government intervention don succeed for restoring stability to di market but never make cooking gas affordable for millions of households.

“Two weeks after di emergency stakeholders meeting wey dem hold for Abuja by di Minister of State for Petroleum Resources (Gas), Ekperikpe Ekpo, Nigeria LPG market don show early signs of stabilisation, but di crisis still far from over.

Di meeting succeed for calming market panic and improving supply, yet e never translate to significant reduction for retail cooking gas prices for consumers,” im tok.

According to am, dem hold di emergency meeting after terminal prices rise sharply, wey push retail prices reach between N1,800 and N2,500 per kilogramme for many cities as marketers dey battle severe supply shortages, rising depot and landing costs, higher logistics expenses, panic buying and speculative stocking.

E note say di situation threaten di Federal Government Decade of Gas agenda, as plenty households don abandon cooking gas go use firewood and charcoal. Inyang say one of di major gains from di Abuja meeting na di improvement for product availability across di country.