Di Nigeria Presidential Working Group on di National Policing Bill, Monday tok say dem go present Executive Bill package to President Bola Tinubu on September 3, 2026.

Make una remember say for July, Tinubu set up di presidential committee to prepare di legal framework for how to run state police all over di country.

Di Chairman of di Working Group and Chief of Staff to di President, Femi Gbajabiamila, of di Presidential National Committee, tell newsmen for Presidential Villa, Abuja, on Monday, afta dem finish dia first meeting.

E explain say before dem go present di Executive Bill to di President, dem go first do consultation on di finished draft.

Di group also call on di public make dem bring memoranda, position papers and practical proposals from different stakeholders.

Gbajabiamila say di national consultation go give Nigerians chance to see di real clauses, safeguards, funding proposals and transition arrangements.

According to am, “Di approved work programme na seven-week, milestone-driven exercise wey go run from July 27 go reach September 14, 2026.

“Di Executive Bill package wey go come out from am, dem don schedule am for presentation to di President on September 3.

“If e get di President approval, national consultation on di finished draft go follow, afta which dem go revise di text and supporting materials and prepare am for formal transmission to di National Assembly.

“Di timetable dey tight, but e no be shortcut.”