Governor Babagana Umara Zulum for Nigeria don begin share Ramadan gifts of food to 300,000 poor pipo, both Muslims and Christians for all di 27 local governments for Borno State.

Di governor launch di sharing for Maiduguri, and e talk say na to help di poor pipo wey dey face tough times bikos of wahala for di economy.

E note say di Christian Lent period happun for di same time wit Ramadan dis year, so Christians go benefit from di sharing too.

According to di governor, evri person wey go collect go get one bag of rice, one bag of millet, and 10 kilogram of sugar.
E add say dem don set aside plenti plenty extra bags of rice, millet, and sugar to give to old pipo across di state.

Zulum urge di pipo wey dey do di sharing make dem do am well well, no go show face.
“Dis food no be for sale. No be for your friends or family wey no really need am,” e talk.
“Na for di widow, di orphan, di pipo wey dey inside camp, di farmer wey land no too produce again, and di daily worker wey dey suffer to put food for table. Any official wey dem catch dey steal dis things go face serious wahala.”