Di Nigeria Army don send special soliders wey dem train well-well go Benue, Taraba and Nasarawa State, to join di soldiers wey dey Operation Whirl Stroke dey fight bad boys.

Dis soliders just finish dem special training for Kontagora, before Army Chief, Lt Gen Waidi Shuaibu, give order make dem deploy go various fronts across di country, including OPWS.

Di Army yarn dis one for X on Tuesday. Dem tok say di soliders land with high morale and dem ready to face fire.

Dem go help safe farming communities, protect pipo livelihood, and make sure life return to normal for areas where bandits, armed men and other criminals don scatter tings.