Di Federal Executive Council for Nigeria don give di green light for new retirement package. From 1 January 2026, any federal civil servant wey don serve for at least 10 years go collect gratuity wey equal 100% of dia total salary for one year.

Dis one na big win for civil servants. Di government tok say dem do am to make sure our workers wey don serve well fit retire well and rest with peace of mind, no dey worry about money.

Di announcement come from di Head of Service office, through dia spokesperson, Eno Olotu. Dem yarn say before dem reach dis decision, dem gada many times and take advice from different important bodies like di National Pension Commission, di Budget Office, and di Accountant-General office.

Dis new package go add to di pension dem dey collect before. E go affect workers for Ministries and Agencies wey government dey fund.

Di Head of Service, Didi Walson-Jack, don hail di decision, call am "watershed approval". She tok say di government don finally show say dem really value di hard work and sacrifice of civil servants wey don give dia best years to serve di nation.