Wasiirka Caddaaladda iyo Arrimaha Dastuurka ee Xukuumadda Federaalka Soomaaliya, Xasan Macallin Maxamuud, oo uu wehelinayo Taliyaha Ciidanka Asluubta Soomaaliyeed, Sarreeye Gaas Maxamed Sheekh Xasan Xaamud, ayaa gaaray magaalada Algiers, caasimadda dalka Aljeeriya.
Wasiirka iyo wafdigiisa ayaa magaalada Aljeers uga qayb galaya shirka Wasiirrada Caddaaladda ee dalalka Carabta, kaas oo lagu wado in uu ka furmo caasimadda dalka Aljeeriya.
SHEEKOOYIN KALE
Markii ay gaareen magaalada Algiers, wafdiga Soomaaliyeed waxaa soo dhaweeyay Safiirka Soomaaliya u fadhiya dalka Aljeeriya, Yuusuf Axmed Xasan (Yuusuf Jeego), Agaasimaha Guud ee Xabsiyada Aljeeriya, Zerb Saciid, iyo mas’uuliyiin sare oo ka tirsan Wasaaradda Caddaaladda ee dalka Aljeeriya.
XIGASHO:SONNA
