Kooxda Ocean Stars ee Soomaaliya ayaa u soo baxday heerka group-yada ee isreeb-reebka Koobka Qaramada Afrika (AFCON) 2027.

Kadib barbaro goolal la’aan ah oo labada lugood ah oo ay la galeen Mauritius, Ocean Stars ayaa markii ugu horreysay u soo baxday kadib markii ay martigeliyeyaasha kaga adkaadeen 4-2 rigoorayaal ciyaar dhacday Talaadadii.

Kooxda Soomaaliya ayaa hadda ku biirtay kooxaha kale ee ka socda aagga CECAFA oo ay ka mid yihiin Koonfurta Suudaan, Eritrea, Burundi iyo Itoobiya.

Tani ma aha oo kaliya guul ciyaareed, balse waa tallaabo weyn iyo iftiin u soo baxay horumarka kubadda cagta dalka. Sidoo kale waa markii ugu horreysay taariikhda ee Soomaaliya ay ka soo gudubto is arag laba lugood ka kooban.

AFCON 2027 ayaa waxaa martigelin doona Kenya, Uganda iyo Tanzania.