| Somali
SIYAASADDA
1 daqiiqo akhris
Guddoomiyaha Golaha Shacabka oo Kormeeray Rakibidda Qalab Casri ah oo loogu Talagalay Baarlamaanka
Guddoomiyaha Golaha Shacabka, Cabdulqaadir Maxamed Nuur, ayaa kormeeray rakibidda qalab elektaroonig ah oo casri ah oo lagu horumarinayo maamulka fadhiyada Baarlamaanka, hufnaanta doodaha, codeynta iyo isla-xisaabtanka.
Guddoomiyaha Golaha Shacabka oo Kormeeray Rakibidda Qalab Casri ah oo loogu Talagalay Baarlamaanka
Guddoomiyaha Golaha Shacabka oo Kormeeray Rakibidda Qalab Casri ah oo loogu Talagalay Baarlamaanka / SONNA

doomiyaha Golaha Shacabka ee Baarlamaanka Federaalka Soomaaliya, Cabdulqaadir Maxamed Nuur, ayaa Isniintii kormeer ku tagay xarunta Baarlamaanka, halkaas oo ay ka socdaan howlo lagu rakibayo qalab elektaroonig ah oo casri ah, kaas oo loogu talagalay horumarinta maamulka fadhiyada Baarlamaanka.

Guddoomiyaha ayaa sheegay in adeegsiga qalabkan cusub uu yahay tallaabo muhiim ah oo lagu xoojinayo hufnaanta howlaha Baarlamaanka, maamulka doodaha iyo codeynta, isla markaana lagu xaqiijinayo habsami u socodka fadhiyada.

Casriyeyntan ayaa sidoo kale qeyb ka ah dadaallada lagu horumarinayo daahfurnaanta, isla-xisaabtanka iyo tayada go’aan-qaadashada Golaha Shacabka ee Baarlamaanka Federaalka Soomaaliya.

XIGASHO:SONNA