Ciidanka Xoogga Dalka Soomaaliyeed, gaar ahaan Kumaandooska Danab, ayaa hawlgallo qorsheysan ka fuliyay deegaanka Madax-Maroodi ee Gobolka Shabeellaha Hoose, taas oo qayb ka ah dadaallada socda ee lagu xoojinayo amniga laguna baacsanayo xubnaha Al-Shabaab ee ka howlgala deegaanka.

Ciidamada ayaa hawlgallo ka wada deegaanno kala duwan oo ka tirsan Shabeellaha Hoose, iyagoo bartilmaameedsanaya goobaha ay ku dhuumaaleystaan shabakadaha Al-Shabaab, isla markaana ka shaqeynaya ciribtirka khataraha kooxda.

Hawlgallada ayaa looga gol leeyahay sugidda amniga bulshooyinka deegaanka, soo celinta xasilloonida iyo xaqiijinta badqabka rayidka guud ahaan gobolka.