Ciidanka Kumaandooska Danab ee Xoogga Dalka Soomaaliyeed, oo taageero ka helaya saaxiibada caalamka, ayaa hawlgal qorsheysan ka fuliyay duleedka deegaanka Harboole ee degmada Afmadow ee Gobolka Jubbada Hoose.
Intii uu hawlgalku socday, ciidamada ayaa burburiyay unug Al-Shabaab u qaabilsanaa qaraxyada, kaas oo diyaarinayay kuna aasayay waddooyinka miinooyin iyo walxaha qarxa oo lagu bartilmaameedsanayay gaadiidka rayidka.
Hawlgalkan ayaa qayb ka ah dadaallada socda ee lagu wiiqayo awoodda hawlgal ee Al-Shabaab, lagu ilaalinayo rayidka laguna xaqiijinayo isu-socod ammaan ah oo ka jira gobolka.
Ciidanka Xoogga Dalka ayaa sheegay in ay sii wadi doonaan hawlgallada ka dhanka ah Al-Shabaab si loo xoojiyo amniga iyo xasilloonida guud ahaan Soomaaliya.
