Ciidanka Xoogga Dalka oo howlgal ay ka fuliyeen Galgaduud ku dilay sarkaal sare oo Al-Shabaab ah
Howlgalkan ayaa lagu dilay sarkaal sare oo ka tirsan Al-Shabaab oo lagu magacaabo Axmed Sheekh Omar Cadow Gacal, oo kormeerayay unugyo ka hawlgala gobolka Shabeellaha Dhexe.
Ciidanka Xoogga Dalka Soomaaliyeed (CXDS), oo ay la jireen ciidamo deegaanka ah, ayaa fuliyay howlgal qorsheysan oo ka dhacay deegaanka Cali Heele oo 30 km galbeed ka xiga degmada Masagaway ee gobolka Galgaduud.
Howlgalkan ayaa lagu dilay sarkaal sare oo ka tirsan Al-Shabaab oo lagu magacaabo Axmed Sheekh Omar Cadow Gacal, oo kormeerayay unugyo ka hawlgala gobolka Shabeellaha Dhexe.
Sarkaalkan ayaa door hoggaamineed ku lahaa weerarrada ka dhanka ah shacabka, sidoo kalena kaalin muhiim ah ku lahaa isku dubbaridka dhaqdhaqaaqa maleeshiyada iyo qaraxyada IED-yada ee laga fulin jirey gobollada Shabeellaha Dhexe, Hiiraan iyo Galgaduud.
Wasaaradda Gaashaandhigga iyo Taliska CXDS ayaa amaanay geesinimada iyo dadaalka ciidamada ka qaybgalay howlgalkan, waxayna ku adkeeyeen in dagaalka ka dhanka ah argagixisada uu ka socon doono dhammaan furimaha ilaa inta si buuxda loo burburinayo kooxaha haray loona xaqiijinayo amniga dalka.