Donald Trump ayaa soo jeediyay in la qaado qorshe dib-u-dejin ah oo Falastiiniyiinta

Madaxweynaha Mareykanka Donald Trump ayaa soo jeediyay qorshe lagu dhaqaaqo qaadista Palastiiniyiinta Gaza oo loo guuriyo dalalka dariska ah sida Masar iyo Urdun, taasoo ahayd talo aan caadi ahayn oo ka soo horjeedday maamulka hore ee Joe Biden.

Isagoo la hadlayay warbaahinta ka hor intaanu ka tagin Los Angeles si uu ugu sii jeesto Miami, madaxweynaha ayaa sheegay inuu arrintan ka hadlay inta lagu jiray wicitaan telefoon ah oo uu la yeeshay Boqor Abdullah II ee Urdun, isla markaana uu la hadli doono Madaxweyne Abdel Fattah al-Sisi ee Masar Axadda.

"Waan u sheegay (boqorka Urdun) in aan jeclaan lahaa inaad qaaddo dad badan sababtoo ah waxaan hadda eegayaa Gaza oo xaaladda waa kacsan tahay, runtii waa dhibaato," ayuu yiri Trump. "Waxaan jeclaan lahaa inuu (boqorka Urdun) qaato dad."

"Waxaan jeclaan lahaa in Masar ay qaadato dad. Waxaan la hadli doonaa Sisi berri waqti qaar, waxaan jeclaan lahaa in Masar ay qaadato dad. Waxaan jeclaan lahaa Urdun inay qaadato dad," ayuu sii raaciyay Trump.

"Waxaad ka hadlayaa hal milyan iyo badh dad ah, waan ka nadiifin karnaa meesha oo dhan. Sida aad ogtahay, qarniyaal badan ayaa ay ku jireen colaado. Waxaana la odhan karaa, waxaa u baahan in wax la sameeyo," ayuu raaciyay.

Isagoo Gaza ku tilmaamaya "meel burbur ah," madaxweynaha Mareykanka ayaa yiri: "Ku dhawaad wax walba waa la burburiyay, dadkaasna waa ay dhimanayaan halkaas. Sidaa darteed waxaan jeclaan lahaa inaan ku lug yeesho qaar ka mid ah dalalka Carabta oo aan dhiso guryo meel kale oo ay halkaas ku noolaadaan, si ay ugu helaan nabad mar kale."

Wuxuu intaas ku daray in tallaabadan "ay noqon karto mid ku-meel-gaar ah ama mid waqti dheer."

Maamulka hore ee Biden ayaa ka soo horjeeday in dadka Gaza laga guuriyo, iyagoo taageerayay in Palastiiniyiinta dib loogu soo celiyo guryahooda ka dib heshiis nabadeed iyo xal laba-dowlad ah.

XIGASHO: WAKAALADDA WARARKA ANADOLU