| Somali
CAALAMKA
1 daqiiqo akhris
Soomaaliya oo Shirweynaha COP31 ku Daahfurtay Qorshe-Hawleedka MRV ee Warbixinnada Cimilada
Wasiirka Deegaanka Soomaaliya, Bashiir Maxamed Jaamac, ayaa Shirweynaha COP31 ee Antalya ku daahfuray Qorshe-Hawleedka MRV, oo lagu xoojinayo daahfurnaanta xogta cimilada, la socodka NDC 3.0 iyo helitaanka maalgelinta cimilada.
Soomaaliya oo Shirweynaha COP31 ku Daahfurtay Qorshe-Hawleedka MRV ee Warbixinnada Cimilada
Soomaaliya oo Shirweynaha COP31 ku Daahfurtay Qorshe-Hawleedka MRV ee Warbixinnada Cimilada / SONNA

Wasiirka Deegaanka iyo Isbeddelka Cimilada ee Dowladda Federaalka Soomaaliya, Sarreeye Guud Bashiir Maxamed Jaamac, ayaa si rasmi ah u daahfuray Qorshe-Hawleedka Horumarinta Nidaamka Cabbirka, Warbixinta iyo Xaqiijinta (MRV) ee Soomaaliya, munaasabad lagu qabtay Xarunta Bandhigga Soomaaliya ee Shirweynaha COP31, oo ka socda magaalada Antalya ee dalka Turkiga.

Qorshe-hawleedkan ayaa loogu talagalay xoojinta daahfurnaanta xogta la xiriirta isbeddelka cimilada, la socodka horumarka laga gaarayo hirgelinta Qorshaha Saddexaad ee Wax-ku-biirinta Qaran ee La Go'aamiyay (NDC 3.0) ee Soomaaliya, hagaajinta warbixinnada ku saabsan qiiqa gaasaska aqalka dhirta lagu koriyo iyo kor u qaadista awoodda dalka ee fulinta ballanqaadyada ka saaran Heshiiska Paris ee Isbeddelka Cimilada.

Qorshe-hawleedkan ayaa sidoo kale looga gol leeyahay xoojinta awoodda Soomaaliya ee soo jiidashada iyo helitaanka maalgelinta la xiriirta isbeddelka cimilada.

XIGASHO:SONNA