Wasiirka Arrimaha Dibadda iyo Iskaashiga Caalamiga ah ee Xukuumadda Federaalka Soomaaliya, Mudane Cabdisalaam Cabdi Cali, ayaa Soomaaliya ku matalay Kalfadhiga 166-aad ee Caadiga ah ee Golaha Jaamacadda Carabta ee Heerka Wasiirrada, kaas oo lagu qabtay magaalada Qaahira ee dalka Masar.
Kalfadhiga ayaa looga hadlay qaddiyadda Falastiin iyo arrimaha la xiriira nabadda, amniga iyo iskaashiga gobolka.
Soomaaliya ayaa sidoo kale ka qaybqaadatay kulankii 11-aad ee Guddiga Wasiirrada Carabta ee ka arrinsada tallaabooyinka sharci-darrada ah ee Israa’iil ka waddo Qudus la haysto.
Intii ay shirarku socdeen, Soomaaliya waxay mar kale xaqiijisay taageerada ay u hayso shacabka Falastiin, iyo sida ay uga go’an tahay taageeridda tallaabada wadajirka ah ee Carabta.
