Madaxweynaha Turkiga oo khadka telefoonka kula hadlay Madaxa Golaha Ku-meelgaarka ah ee Suudaan
Recep Tayyip Erdogan ayaa Abdel Fattah al-Burhan kala hadlay xiriirka labada dal iyo xaaladda amni ee ugu dambeysay ee Suudaan.
Madaxweynaha Turkiga Recep Tayyip Erdogan ayaa Talaadadii kulan khadka telefoonka ah la yeeshay madaxa Golaha Ku-meelgaarka ah ee Suudaan Abdel Fattah al-Burhan.
Sida lagu sheegay bayaan ka soo baxay Agaasinka Isgaarsiinta Turkiga oo lagu daabacay barta X, labada hoggaamiye ayaa ka wada hadlay xiriirka laba geesoodka ah iyo xaaladda amni ee ugu dambeysay ee Suudaan.
Madaxweyne Erdogan ayaa sheegay in Turkigu muhiimad siinayo “midnimada dhuleed iyo midnimada siyaasadeed ee Suudaan, isla markaana uu si dhow ula socdo dadaallada ciidamada Suudaan ay ku doonayaan inay ku sugaan amniga dalka.”
Erdogan ayaa intaas ku daray in taageerada Turkiga iyo gargaarka bini’aadantinimo ee uu siiyo Suudaan ay sii socon doonaan.