Ciidamada Xoogga Dalka Soomaaliyeed, oo taageero ka helaya saaxiibbada caalamka, ayaa maalintii Arbacada ka fuliyay howlgal qorsheysan gobolka Shabeellaha Hoose.
Howlgalka oo isugu jiray dagaal toos ah iyo duqeymo cirka ah ayaa ka dhacay deegaanka Buulo Cabdalla, inta u dhexeysa Mubaarak iyo Ugunji, waxaana dagaalkaas lagu dilay 22 ka tirsan maleeshiyaadka Al-Shabaab, oo uu ku jiro taliyahoodii Cabdiraxmaan Jeeri, oo caan ku ahaa cabsi gelinta dadka rayidka ah.
Wasaaradda Gaashaandhigga iyo Taliska Ciidamada Xoogga Dalka Soomaaliyeed ayaa weli ka go’an xoojinta howlgallada noocan oo kale ah si loo ciribtiro xubnaha haray ee Khawaarijta loona adkeeyo amniga guud ee dalka.
Sidoo kale, Wasaaraddu waxay uga mahadcelisay saaxiibbada caalamka taageeradooda joogtada ah ee howlgalada lagu horumarinayo nabadda iyo xasilloonida Soomaaliya.
