Hay’adda Maareynta Musiibooyinka Qaranka (SoDMA), oo kaashanaysa Guddiga Caalamiga ah ee Badbaadinta (IRC), ayaa Muqdisho ku qabatay kulan saddex maalmood socday oo diiradda lagu saaray qorsheynta iyo xoojinta u diyaar-garowga fatahaadaha suurtagalka ah ee la xiriira El Niño.
Kulanka ayaa isu keenay SoDMA, IRC, hay’adaha Qaramada Midoobay iyo ururrada aan dawliga ahayn ee maxalliga ah, si loo xoojiyo isku-dubbaridka, qorsheynta u diyaar-garowga iyo tallaabooyinka kahortagga kahor khataraha fatahaadaha ee la filayo.
Agaasimaha Maareynta Khataraha Musiibooyinka ee SoDMA, Khadar Sh. Sheekh Maxamed Nuur, ayaa furay kulanka, isagoo adkeeyay baahida loo qabo qorshayaal u diyaar-garow oo xooggan, isku-dubbarid iyo tallaabooyin kahortag ah si loo yareeyo saameynta fatahaadaha.
Kulankan ayaa qayb ka ah dadaallada socda ee lagu xoojinayo u diyaar-garowga, ka hortagga iyo yareynta saameynta fatahaadaha, iyadoo la xoojinayo iskaashiga u dhexeeya dawladda, bahwadaagta caalamiga ah iyo ururrada maxalliga ah.
