Madaxweynaha Turkiga Recep Tayyip Erdogan ayaa sheegay in heshiiska iskaashiga difaaca Makka ee bishii hore ay kala saxiixdeen Turkiga, Sacuudi Carabiya iyo Pakistan uu yahay tallaabo farriin loogu dirayo dunida Islaamka.
Erdogan oo Isniintii kulan gaar ah kula hadlayay dhalinyaro ku sugan gobolka Samsun ee waqooyiga Turkiga ayaa sheegay inay jiraan “horumarro wanaagsan” oo ku saabsan heshiiska.
“Sacuudi Carabiya, Pakistan iyo Turkiga waxay qaadeen tallaabo. Tallaabadan, aan farriin ugu dirno dunida Islaamka. Waxaa jira horumarro wanaagsan,” ayuu yiri.
Erdogan ayaa sidoo kale carrabka ku adkeeyay dadaallada Turkiga ee lagu wajahayo caqabadaha haysta dunida Islaamka.
“Turkigu wuxuu leeyahay waa inaan sida ugu dhaqsaha badan uga gudubnaa dhibaatooyinka haysta dunida Islaamka. Si looga gudbo caqabadahaas, Turkigu wuxuu taageeradiisa xooggan la garab istaagay gobolka,” ayuu yiri.
“Arrintan si fudud uma qaadan karno,” ayuu raaciyay.
