Uturuki yatoa hati ya kukamatwa kwa Waziri Mkuu wa Israel Netanyahu, juu ya mashtaka ya mauaji
Israel imeua karibu watu 69,000, wengi wao ni wanawake na watoto, na kujeruhi zaidi ya 680,600 wengine katika mauaji ya kimbari katika Gaza tangu Oktoba 2023.
`Uturuki imetoa hati za kukamatwa kwa Waziri Mkuu wa Israel Benjamin Netanyahu na washukiwa wengine 36 kwa madai ya kuhusika katika "mauaji ya kimbari" katika eneo la Wapalestina la Gaza.
Ofisi ya Mwendesha Mashtaka Mkuu wa Umma wa Istanbul ilitangaza Ijumaa kwamba imetoa hati za kukamatwa kwa washukiwa 37, wakiwemo Benjamin Netanyahu, Israel Katz, Eyal Zamir, na David Saar Salama, kwa mashtaka ya "mauaji ya kimbari" Gaza.
Mwezi Novemba mwaka jana, Mahakama ya Kimataifa ya Jinai (ICC) ilitoa hati za kukamatwa kwa Netanyahu na waziri wake wa zamani wa ulinzi Yoav Gallant kwa makosa ya kivita na uhalifu dhidi ya ubinadamu Gaza.
Israel pia inakabiliwa na kesi ya mauaji ya kimbari katika Mahakama ya Kimataifa ya Haki (ICJ) kwa vita vyake dhidi ya eneo hilo.