Rais wa Iran Masoud Pezeshkian alisema siku ya Jumamosi kuwa nchi yake kamwe haitajisalimisha kwa Israel na Marekani, huku vita hivyo vikiingia wiki ya pili.

Maadui wa Iran "lazima wachukue matakwa yao ya kujisalimisha bila masharti kwa watu wa Iran kwenye makaburi yao," Pezeshkian alisema, katika hotuba iliyotangazwa kwenye televisheni ya taifa.

Israel na Marekani zilianzisha mashambulizi dhidi ya Iran mnamo Februari 28, na kumuua kiongozi mkuu Ali Khamenei na kusababisha mzozo wa kikanda.

Tangu wakati huo Iran imejibu kwa mashambulizi ya makombora na ndege zisizo na rubani dhidi ya Israel na maslahi ya Marekani katika nchi za kanda, hasa katika Ghuba.

Pezeshkian ni miongoni mwa wajumbe watatu wa baraza la uongozi la muda ambalo limekuwa likisimamia Iran tangu kuuawa kwa Khamenei.

Katika hotuba hiyo, Pezeshkian aliomba radhi kwa nchi jirani kwa mashambulizi ya Iran katika kanda, akisema kwamba nchi hizo hazitakuwa malengo isipokuwa mashambulizi yanapotokana nazo.

'Ninapaswa kuomba msamaha kwa niaba yangu na kwa niaba ya Iran kwa nchi jirani zilizoshambuliwa na Iran,' alisema.

'Baraza la uongozi la muda lilikubaliana jana kwamba hatatakuwa na mashambulizi zaidi dhidi ya nchi jirani na hakuna makombora yatakayorushwa isipokuwa mashambulizi dhidi ya Iran yatokee kutoka nchi hizo.'