Ushindi mkubwa wa Australia dhidi ya Uturuki katika mechi yao ya ufunguzi ya kombe la dunia uliwaacha wengi kuzungumza lakini jina moja ambalo mashabiki hawakuweza kuacha kuimba ni Nestory Irankunda.

Hata alitajwa kuwa mchezaji bora wa mechi. Kwa hivyo Nestory Irankunda ni nani?

Alizaliwa Tanzania

Australia inaweza kuwa imepata nyota yake mpya wa kandanda - na safari yake sio ya kawaida.

Nestory Irankunda alizaliwa katika kambi ya wakimbizi nchini Tanzania kwa wazazi wa Burundi ambao walikuwa wamekimbia migogoro katika nchi yao.

Baadaye familia yake ilihamia nchini Australia, ambapo kijana Irankunda alijipatia umaarufu kwa kasi yake uwanani, kipai cha kupiga kuchenga na nguvu ya mikwaju bila woga.

Winga huyo aliibuka katika ngazi ya wachezaji wa kulipwa akiwa na Adelaide United, na kuwa mmoja wa vijana wenye vipaji vya kusisimua katika soka la Australia.

Uchezaji wake ulikuwa wa kuvutia sana hivi kwamba wababe wa Ujerumani Bayern Munich walimsajili mnamo 2024.

Baada ya kupata uzoefu katika soka ya Ulaya, alihamia klabu ya Watford ya England na kuendelea kupanda kwake.

Sasa, kwenye Kombe la Dunia la FIFA la 2026, Irankunda anaonyesha talanta yake kwenye hatua kubwa zaidi. Alifunga katika ushindi wa 2-0 wa Australia dhidi ya Uturuki, na kusaidia Socceroos kuanza ndoto kwa kampeni yao ya ubingwa wa dunia. Kwa mashabiki wengi, anawakilisha mustakabali wa soka la Australia.

Kutoka kwa kambi ya wakimbizi hadi kwenye michuano ya Kombe la Dunia, hadithi ya Nestory Irankunda ni ukumbusho kwamba nyota wakubwa wa kandanda wanaweza kuibuka kutoka nyenzo isiyotarajiwa.

Na katika umri wa miaka 20 tu, wengi wanaona huu ni mwanzo tu wa kung’aa kwa nyota yake.