Watu 59 wafariki kufuatia Kimbunga Gezani huku wengine 16000 wakikosa makazi nchini Madagascar
Gezani alipiga kisiwa hicho siku 10 tu baada ya kimbunga cha Fytia kuua watu 14 na kusababsiha wengine zaidi ya 31,000 kupoteza makazi yao, kulingana na ofisi ya kibinadamu ya Umoja wa Mataifa.
Takriban watu 59 walifariki dunia wakati Kimbunga Gezani kilipopiga nchini Madagascar wiki iliyopita, ofisi ya usimamizi wa majanga ilisema Jumatatu, wakati ikifanya tathmini ya athari za dhoruba ya pili ya kitropiki kupiga taifa la kisiwa cha Bahari ya Hindi mwaka huu.
Kimbunga hicho kilisababisha watu 16,428 kuhama makazi yao, huku watu 15 wakiwa hawajulikani waliko, 804 walijeruhiwa na 423,986 wameainishwa kama walioathiriwa na maafa, Ofisi ya Kitaifa ya Kudhibiti Hatari na Majanga (BNGRC) ilisema.
Gezani ilipiga kisiwa hicho siku 10 tu baada ya kimbunga Fytia kuua watu 14 na kusababsiha wengine zaidi ya 31,000 kupoteza makazi yao, kulingana na ofisi ya masuala ya kibinadamu ya Umoja wa Mataifa.
Katika kilele chake, Gezani ilikuja na upepo mkali wa kasi ya takriban kilomita 185 (maili 115) kwa saa, huku upepo ukiongezeka hadi kufikia takriban kilomita 270 kwa saa - wenye nguvu ya kupasua paa za nyumba na kung'oa miti mikubwa.
Kimbunga hicho kilihamia upande wa magharibi katika mkondo wa Msumbiji, kikileta upepo mkali na mawimbi ya hadi mita 10 kusini mwa Msumbiji, huduma ya hali ya hewa ilisema katika taarifa.
Mfumo wa hali ya hewa tangu wakati huo umepinda kuelekea mashariki juu ya mkondo, na utabiri unaonyesha kuelekea Madagascar tena, na mafuriko ya pili yanatarajiwa kusini magharibi mwa Madagascar siku ya Jumatatu.
Mamlaka imeiweka wilaya ya Ampanihy kusini magharibi mwa Madagascar katika hali ya tahadhari, huku utabiri wa Gezani ukipita takriban kilomita 100 kutoka pwani yake Jumatatu jioni, na kuleta upepo wa karibu kilomita 65 kwa saa lakini hakuna mvua kubwa, huduma ya hali ya hewa ilisema.