Uturuki, Saudi Arabia na Pakistan, zimesainia mkataba wa pamoja wa ulinzi, jijini Mecca, wenye kulenga kuzihami nchi hizo dhidi ya vitisho vyovyote.
Ukiwa umetiwa saini na Rais Recep Tayyip Erdogan wa Uturuki, Mwana Mfalma wa Saudi Arabia, Mohammed bin Salman na Waziri Mkuu wa Pakistan Shehbaz Sharif, Agosti 7, mkataba huo unalenga kuimarisha ulinzi na kukuza ushirikiano wa kiulinzi kati ya nchi hizo tatu.
Katika kuonesha furaha ya kupatikana kwa mkataba huo, majengo mbalimbali jijini Ankara na Istanbul, yalipambwa kwa mianga na taswira mbalimbali kupitia kampeni maalumu.
Ujumbe wa mkataba huo, uliorushwa moja kwa moja kwenye majengo na vivutio maarufu jijini Ankara na Istanbul.
Hivi ni baadhi ya vivutio vilipambwa kwa ujumbe huo:
Jengo la Kurugenzi ya Mawasiliano ya Rais— Ankara
Jengo hilo ni kati ya maeneo yaliyopambwa kwa ujumbe huo.
Ujumbe wa kidijiti uliweka msisitizo kwenye mkataba huo wa Uturuki, Saudi Arabia na Pakistan.
Jengo la Turk Telekom-Ankara
Kampeni hiyo, pia ilihusisha jengo la kampuni ya mawasiliano ya Uturuki ‘Turk Telekom’, jijini Ankara.
Picha kama hizo zilirushwa katika matawi zawadi ya 600 ya Turk Telekom nchini Uturuki, na kupelekea ujumbe huo kwenye maeneo tofauti ya nchi.
Atakule — Ankara
Moja ya majengo maarufu jijini Ankara, jengo la Atakule pia lilikuwa sehemu ya kusainiwa kwa mkataba huo.
Picha za ujumbe huo, ziliangazia yale yaliyomo kwenye mkataba huo, wenye kauli mbiu za ushirikiano,umoja na mustakabali wa pamoja.
Kituo cha utamaduni cha Ataturk- Istanbul
Kituo cha Ataturk, nacho hakikuachwa nyuma katika kampeni hiyo.
Picha kwenye kituo hicho, zilionesha mkataba wa Mecca, kama ishara ya umoja kati ya nchi hizo tatu.
Daraja la mashahidi wa Julai 15
Kampeni hiyo, pia ilihusisha daraja la Julai 15, ambalo linaunganisha bara la Ulaya la Asia, nchini Uturuki.
Daraja hilo, lilisheheni jumbe zilizomo ndani ya mkataba huo.
Mnara wa Galata — Istanbul
Mnara wa kihistoria wa Galata ulitamalaki kwa mianga mbalimbali, yenye kushangilia mkataba huo.
