Idadi ya maambukizi ya Ebola katika Jamhuri ya Kidemokrasia ya Congo (DRC) imepita zaidi ya 8,000 kwa mara ya kwanza kwa mlipuko wa ugonjwa huo katika taifa hilo la Afrika ya Kati, data za serikali zilionesha siku ya Jumatatu.

Ripoti hii ya sasa kutoka kwa taasisi ya afya ya umma imebaini idadi ya maambukizi kuwa 8,067 huku vifo vikifika 3,901.

Mlipuko huo, uliosababishwa na aina ya Bundibugyo, umekuwa mkubwa na hatari zaidi katika historia ya DRC ikiwa ni kupita maambukizi ya 2018-2020.

Mlipuko hatari zaidi ulikuwa ule wa Afrika Magharibi 2014-2016, ambao uliambukiza watu zaidi 28,600 na kusababisha vifo vya watu zaidi ya 11,000 kote nchini Guinea, Liberia na Sierra Leone.

Wiki iliopita, Shirika la Afya Duniani lilisema kuwa mlipuko huo bado haujadhibitiwa licha ya kuwepo na mafanikio katika baadhi ya maeneo, huku maambukizi yakiongezeka mkoa wa Kivu Kaskazini.

Watoto wa chini ya umri wa miaka 5 bado wako hatarini zaidi, shirika hilo lilisema, huku 60% ya walioambukizwa wakifariki ikilinganishwa na 40% kwa watu wazima.