Katika msako wa usiku kwenye kituo kinachoshukiwa kuendeshwa kinyume cha sheria nchini Uganda, maafisa wa uhamiaji waliwakamata raia wa kigeni 169 ambao hawakuwa na vyeti halali vya kuwepo nchini humo.
Maafisa walisema kituo hicho kiliendesha shughuli za ulaghai kwa kupitia simu na kusema kuwa washukiwa walikuwa wakiendesha shughuli zao katika makazi ambayo yaliyojitenga.
Simon Mundeyi, Msemaji wa Wizara ya Mambo ya Ndani, alisema Jumatano kwamba wachunguzi waligundua kuwa kikundi hicho kilihusika katika udanganyifu uliopangwa wa mtandaoni.
"Baadhi ya watu hawa walikuwa wanatapeli watu nchini India, lakini wanafanya kazi kutoka hapa. Wangepiga simu India, Malaysia, Indonesia, Myanmar na Cambodia."
Miongoni mwa waliozuiliwa ni wanawake.
Mundeyi alisema sehemu ya uchunguzi itaangazia iwapo wale waliowaweka kizuizini pia walikuwa waathiriwa ambao walikuwa wamesafirishwa kinyume cha sheria.
"Tutagundua nani ni wa kundi hilo la waathiriwa na ni nani wa kundi hilo la wahalifu wenyewe, ili waathiriwa wachukuliwe hatua tofauti."
Kulingana na maafisa, wale watakaopatikana kwa ukiukaji wa sheria watashughulikiwa kwa mujibu wa sheria za Uganda.
Mapema Jumatatu mamlaka ya Uganda iliwaweka kizuizini raia wa kigeni 231 katika msako wa kitaifa dhidi ya uhamiaji haramu unaohusishwa na biashara haramu ya binadamu na ulaghai.
