Uturuki na Niger imetia saini makubaliano kadhaa ya ushirikiano siku ya Alhamisi mbele ya Rais wa Uturuki Recep Tayyip Erdogan na Rais wa Niger Abdourahamane Tiani kufuatia mazungumzo ya mataifa mawili na kwa ngazi ya wajumbe jijini Ankara.

Miongoni mwa makubaliano yaliyotiwa saini ni utekelezaji wa itifaki ya 2026-2030 ikiwa ni makubaliano ya ushirikiano katika masuala ya elimu ya juu kati ya nchi hizo mbili.

Itifaki hiyo iliyotiwa saini na Mwenyekiti wa Baraza la Elimu ya Juu Erol Ozvar na Waziri wa Mambo ya Nje wa Niger, Bakary Yaou Sangare.

Waziri wa Biashara Omer Bolat na Waziri wa Biashara na Viwanda wa Niger Abdoulaye Seydou walitia saini azimio la pamoja la kuanzisha Tume ya Pamoja ya Uchumi na Biashara (JETCO).

Makubaliano kadhaa ya maelewano

Itifaki kuhusu operesheni ya pamoja na Hospitali ya Urafiki wa Niger na Uturuki ilitiwa saini na Waziri wa Afya wa Uturuki Kemal Memisoglu na Waziri wa Afya wa Niger Kanali Dkt. Garba Hakimi.

Makubalino mengine ya maelewano yalitiwa saini kati ya Chuo cha Diplomasia cha Wizara ya Mambo ya Nje ya Uturuki na Taasisi ya Kitaifa ya Mafunzo ya Diplomasia na Mikakati ya Niger.

Makubaliano hayo yalitiwa saini na Waziri wa Ulinzi wa Uturuki Yasar Guler na Waziri wa Mambo ya Nje wa Niger Bakary Yaou Sangare.