Liverpool wametangaza kumfuta kazi kocha mkuu Arne Slot, na kumaliza muda wa miaka miwili wa Mholanzi huyo Anfield licha ya mafanikio yake katika kuiongoza klabu hiyo kutwaa ubingwa wa Ligi Kuu ya England katika msimu wake wa kwanza.

Uamuzi huo ulitangazwa Jumamosi kufuatia tathmini ya msimu baada ya Liverpool kumaliza nafasi ya tano kwenye Ligi Kuu na kushindwa kutwaa kombe, kushuka kwa kasi kutoka kwa kampeni ya kushinda taji ambayo ilisababisha Slot kusifiwa kama mrithi bora wa Jürgen Klopp.

Katika taarifa, wasimamizi wa Liverpool wlielezea uamuzi huo kama mgumu lakini walisema ni muhimu kuhakikisha kuwa klabu hiyo inaendelea kusonga mbele.

"Huu ulikuwa uamuzi mgumu kwetu kufanya kama klabu ," klabu hiyo ilisema. "Mchango ambao Arne ametoa kwa Liverpool FC kwa muda ambao amekuwa nasi umekuwa muhimu, wa maana na - muhimu zaidi kwa mashabiki na sisi wenyewe - umefanikiwa."

Klabu hiyo ilisifu uongozi, weledi na kujitolea kwa Slot wakati wa uongozi wake, na kuongeza kuwa mafanikio yake, ikiwa ni pamoja na kutwaa taji la 20 la Liverpool la ligi ya Uingereza, hayatasahaulika. Liverpool imesema kuwa tayari harakati za kumtafuta kocha mkuu mpya zinaendelea.

Slot aliwasili kutoka Feyenoord mnamo Juni 2024 na alifurahia msimu mzuri wa kwanza, akishinda Ligi England na kupata sifa nyingi. Lakini, Liverpool ilitatizika kudumisha viwango hivyo wakati wa kampeni ya 2025-26, na uchezaji usio sawa na shinikizo kutoka kwa wafuasi.

Ripoti katika vyombo vya habari vya Uingereza zimemhusisha meneja wa zamani wa Bournemouth Andoni Iraola na nafasi hiyo, ingawa Liverpool bado hawajatangaza mrithi.

Slot anaondoka Anfield akiwa ameshinda taji moja la ligi Kuu wamiliki wa Liverpool wakitoa shukrani kwa kile walichokieleza kama mchango "muhimu na wa maana" katika historia ya hivi majuzi ya klabu.