Kampuni kubwa ya sekta ya ulinzi ya Uturuki Aselsan imezindua vifaa vipya vyenye teknolojia ya juu ya kivita na UAV wakati wa uzinduzi katika maonesho ya sekta ya ulinzi na anga ya SAHA 2026 jijini Istanbul. 

Mifumo hii ya kisasa imeundwa kupenya katika mazingira magumu huku ikiimarisha kinga ya Uturuki ya ‘Steel Dome’ — mtandao wa ulinzi wa angani wa ngazi tofauti wa taifa.

“Vita sasa hivi vinahitaji ujumuishaji wa mifumo yote. Katika SAHA 2026, tunafurahi kuzindua mifumo ambayo mahsusi itaimarisha Steel Dome,” Rais wa Aselsan na Afisa Mkuu Mtendaji Ahmet Akyol amesema baada ya uzinduzi.

Aliongeza kuwa mifumo hiyo itaundwa kwa wingi ili kukabiliana na hatari inayoibuka. 

Vita vya kutumia teknolojia ni maneno yanayotumika jeshini -- kujumuisha mawimbi ya redio, injali, na rada -- ili kukabiliana na adui kwa kutatiza uwezo wake wa kielektroniki, huku wakilinda mifumo yao wenyewe isidukuliwe.

Akizungumza kuhusu umuhimu wa kimkakati katika uzinduzi huo, Akyol alieleza uwezo mkubwa wa mfumo wa Koral wa kudukuwa rada, uwezo wa mawasiliano ya Ilgar kutatiza na droni ya Gokalp kuzuia droni nyingine. 

“(....) Tunahakikisha kuwa ulinzi wa Steel Dome unakuwa haupenyeki kwa hatari ya kielektroniki ya angani katika siku zijazo,” aliongeza.

Mwezi Januari mwaka huu, Aselsan ilipita kiwango cha mtaji wa soko cha Dola bilioni 30, na kuwa kampuni ya kwanza ya Uturuki kufikia hatua hiyo. Kampuni hiyo pia ni miongoni mwa makampuni 10 muhimu katika sekta ya ulinzi barani Ulaya, kutokana na kuongezeka kwa mauzo ya nje na matokeo ya kuimarisha teknolojia.

Enzi mpya ya vita vya kielektroniki

Vita vya kielektroniki, kukiwa na mifumo ya kisasa ya Koral, Ilgar na Ejderha, inaonesha hatua zilizopigwa katika kukata makali vitisho mbali mbali. 

Mifumo hii siyo tu kwa kuzuia; ni rasilimali zilizoundwa kutathmini mazingira yalivyo.

Koral, mahsusi, unatoa tahadhari ya mapema na kukata makali. Kwa kutumia uwezo mkubwa wa kielektroniki, inatengeneza kinga inayofanya iwe vigumu kupenya mifumo ya kidijitali. 

Kuzuia huku ndiyo uti wa mgongo wa Steel Dome, kuhakikisha kuwa ndege za adui na silaha zinatambuliwa na kudondoshwa kabla hazijafika anga ya Uturuki.

Zaidi ya hayo, uwezo tofauti wa Ilgar na Ejderha unaimarisha ulinzi huu kwa kulenga vitisho vya mitandao ya mawasiliano, kuifanya iwe thabiti katika kuratibu ulinzi dhidi ya adui.

Ikionesha kuimarika kwa uwezo wake wa kudumaza rada, Aselsan ilionesha mfumo wa kisasa wa Ilgar, mfumo ambao unaweza kukabiliana na mashambulizi ya kielektroniki na kuweza kusambaratisha mitandao ya mawasiliano ya adui. 

Kile kinachofanya Ilgar kuwa tofauti ni mfumo wa RF wenye uwezo mkubwa wa kudumaza —mbinu ambayo inawezesha kufuatilia na kukata makali mifumo papo hapo. 

Tofauti na mifumo mingine ya ulinzi, Ilgar inashambulia kielektroniki na kuonesha uwezo wa kielektroniki huku ikiwa inapiga hatua, kuhakikisha kuwa mbinu thabiti zinatumika bila kupunguza kasi.

Kwa 'kuzuia' kwa uthabiti mifumo ya mawasiliano ya kimkakati ya ndege za adui na vituo vyao vya kuongoza mashambulizi, mfumo huo unahakikisha uthabiti katika operesheni. 

Katika mazingira ambayo upatikanaji wa taarifa ni muhimu sawa na makabiliano ya silaha, Ilgar inakuwa thabiti kwa kuchelewesha mawasiliano ya adui, hadaa, na kutatiza kabisa, kufanya adui asijitambue.

Kukabiliana na vitisho

Huku vitisho vikihamia katika anga za chini, Aselsan imetengeneza kifaa cha kukabiliana na UAV (C-UAV) na hapo kuna kifaa cha kisasa kabisa Ejderha.

Mfumo huu wa silaha wenye uwezo unaonesha kuimarika kwa mbinu za kivita, hasa kwa kukata makali UAV kabla hazijashambulia.

Ejderha inatumia uwezo mkubwa wa teknolojia ya mawimbi kukabiliana na droni zinazotaka kushambulia, na kuzimaliza uwezo wake zikiwa njiani. 

Uwezo wake dhidi ya droni nyingi ni wa uhakika, pale hatari inapokuwa kubwa zaidi kupita mifumo ya ulinzi ya angani. Inaunda kizuizi katika eneo kubwa, Ejderha inahakikisha kuwa hata kukiwa na idadi kubwa ya droni inaweza kusambaratisha kwa wakati mmoja.

Mabadiliko haya ya kisasa yanadhihirisha mfumo unaoweza kujitegemea. 

Ejderha inaweza kubaini, kutambua, na kukabiliana na hatari bila msaada kutoka sehemu nyingine yoyote. 

Na huku enzi za kukabiliana na droni zikiendelea, Aselsan imepata mfumo mwingine wa kuzuia kwa kuzindua Gokalp na Migfer — mifumo miwili thabiti iliyoundwa mahsusi kukabiliana na kuongezeka kwa hatari za FPV na kamikaze UAVs.

Ikiwa imewezeshwa na Akili Unde, mifumo thabiti ya kuzuia, Gokalp imeundwa kuwa na uhakika zaidi, kukabiliana droni kwa droni. Inaweza kufuatilia na kukata makali hatari za moja kwa moja. 

Uwezo wa 'hunter-killer' unaifanya Aselsan kuwa miongoni mwa makampuni muhimu duniani katika sekta ya ulinzi inayounda vifaa vya kuzuia angani, kwa uthabiti kabisa.

Ardhini, Migfer yenye uwezo wa kuzuia mifumo ya FPV inasaidia katika 'ukataji makali' na ulinzi wa awali. 

Imejumuishwa kwenye magari yenye silaha ya 4x4, Migfer imetengenezwa kulinda vifaru na magari yanayobeba wanajeshi kutokana na droni ndogo. 

Mfumo huu unakuwa na silaha maalumu zinazoweza kukabiliana na droni.' 

Kukamilisha mfumo wake kamili wa kukabiliana na droni, Aselsan imezindua Gokberk — silaha ya mfumo wa nishati ya kilowati 10 ambayo inaonesha kuimarika kwa uhakika wa ulinzi wa angani.