Burkina Faso, Mali, Niger yaanzisha benki ya uwekezaji kufadhili miradi ya miundombinu

Muungano wa Mataifa ya Sahel (AES), yanayojumuisha Mali, Burkina Faso na Niger, yameanzisha benki ya uwekezaji siku ya Jumatano kufadhili miradi mikubwa ya miundombinu na kiuchumi kote katika kanda.

Waziri wa Burkina Faso wa Uchumi, Fedha na Mipango Aboubakar Nacanabo ametangaza kukamilika kwa mchakato wa kuundwa kwa benki hiyo ikianza na mtaji wa dola milioni $895, kufuatia mkutano na mawaziri wa fedha kutoka nchi zote tatu.

AES ilizindua mipango ya kuanzishwa kwa benki ya uwekezaji mwezi Mei 2025 ili kusaidia katika miradi mikubwa na kuimarisha kujitegemea kifedha.