Hispania imetozwa faini ya Dola 20,000 na kutakiwa kufunga sehemu moja ya uwanja watakapocheza mechi ya kirafiki inayofuata baada ya mashabiki kutoa kauli za chuki dhidi ya Uislamu mara mbili wakati wa mechi yao na Misri mwezi Machi, FIFA ilisema katika taarifa.

Adhabu hiyo inatokana na mechi katika Uwanja wa RCDE wa klabu ya LaLiga ya Espanyol karibu na mji wa Barcelona, wakati wa kujiandaa kwa Kombe la Dunia ambayo ilimalizika kwa sare ya 0-0.

Baada ya kuibuka kwa matamshi hayo kwa mara ya pili, mtangazaji alitoa onyo na kwenye ubao wa matokeo kukawa na ujumbe wa kupinga tabia za kibaguzi.

Winga wa Hispania Lamine Yamal, ambaye ni Muislamu, alilaani matamshi hayo wakati huo, akiyaeleza kuwa ya kutokuwa na heshima na kuwataja wale waliohusika kama "waliokosa ufahamu na wabaguzi".

Polisi wa Hispania walianzisha uchunguzi siku iliofuata huku Shirikisho la Soka Duniani (FIFA) baadaye likianza taratibu na kinidhamu dhidi ya Shirikisho la Hispania (RFEF).

FIFA imeitoza faini RFEF na kuagiza kufungiwa kwa asilimia isiyopungua 15 ya mashabiki wakati Hispania itakapocheza mechi nyingine ya kirafiki.