Kiongozi wa Korea Kaskazini, Kim Jong Un amesimamia mazoezi ya kijeshi yaliyofanywa na jeshi la nchi hiyo.

Mazoezi hayo yamefanyika karibu na kambi ya jeshi jijini Pyongyang, kulingana na Shirika la Habari la Korea.

Mazoezi hayo yalihusisha maonesho ya vikosi maalumu na mifumo ya droni yenye kufanya upelelezi.

Kim alionesha kuridhishwa na mazorezi hayo, akisifia ufanisi wa vikosi vyake, hususani vile vya vifaru vya mashambulizi.

Kwa mujibu wa chombo cha habari cha nchi hiyo, binti wa kiongozi huyo Ju-ae, pia alishiriki kwenye mazoezi hayo.